Pakistan əsilli müsəlman Sacid Cavid Böyük Britaiyanın daxili işlər naziri təyin olunub.
Oxu.az TASS agentliyinə istinadla xəbər verir ki, bununla bağlı məlumat hökumətin mətbuat xidməti tərəfindən yayımlanıb.
Qeyd edək ki, Mühafizəkarlar Partiyasının üzvü olan Sacid Cavid 1969-cu il dekabrın 5-də Britaniyanın Roçdeyl şəhərində doğulub.
Sabiq baş naziri Devid Kemeronun başçılıq etdiyi I və II hökumətlərin üzvü olub. 2016-cı il iyunun 14-də Tereza Mey hökumətində icma və yerli özünüidarəetmə üzrə nazir olub.
Xatırladaq ki, aprelin 29-da Böyük Britaniyanın daxili işlər naziri Ember Radd istefa verib.
Xəbərdən istifadə edərkən istinad etmək vacibdir.
