Mərkəzi Seçki Komissiyasının (MSK) bu gün keçirilən iclasında 90 saylı Ağdaş seçki dairəsindən daxil olan müraciətə baxılıb.
Xeberle.com xəbər verir ki, müraciət barədə MSK üzvü Qabil Orucov məlumat verib.
O bildirib ki, deputatlığa namizəd Səidə Cəbrayılova şikayətində hüquqlarının pozulduğunu və dairənin nəticəsinin ləğvini tələb edib:
"Şikayət araşdırıldıqdan sonra bəlli olub ki, 6 və 7 saylı seçki məntəqələrində qanunazidd hərəkətlər müəyyən olunub. Bu səbəbdən həmin məntəqələrin nəticələrinin ləğvini, şikayətin qismən təmin olunmasını təklif edirəm".
Təklif səsverməyə çıxarılaraq qəbul edilib.
Xəbərdən istifadə edərkən istinad etmək vacibdir.
