İranlı gənc milyarder Babək Zəncaninin ölüm hökmünə məhkum edilməsi onun azərbaycanlı ortağı Rza Zərrabının sərvətinin də yenidən gündəmə gəlməsi ilə nəticələnib.

AzVision.az Türkiyə mətbuatına istinadən xəbər verir ki, R. Zərrab artıq bütün mülkünü satışa çıxarıb. 
Məlumatda azərbaycanlı milyarderə məxsus milyon dollar dəyərə malik daşınmaz əmlakların qaçaq yolla əldə edildiyi bildirilir.

Nəşr Rza Zərrabın məhz buna görə mülkünü satışa çıxardığı bildirilir.

Milyarder yalnız Kəmər bölgəsində yerləşən villasını satışa çıxarmayıb. Onun hazırda ailəsi ilə birlikdə həmin villada yaşadığı bildirilir. 

R. Zərrabın 72 milyon dollara satın aldığı binanın da satışa çıxardığı mülklər siyahısında olduğu vurğulanır Rza Zərrab,həmçinin həyat yoldaşı müğənni Ebru Gündeş üçün aldığı təyyarəni də satışa çıxarıb. 

Məlumatda vurğulanır ki, Türkiyə hakim dairələrində R. Zərrabın barəsində araşdırmalara başlayıblar. 

Qeyd edək ki, B.Zəncani Türkiyədə ötən ilin dekabrın 17-də "Böyük rüşvət" əməliyyatı çərçivəsində həbs edilmiş azərbaycanlı milyarder, əslən Güney Azərbaycandan olan Rza Zərrabın iş ortağı kimi gündəmə gəlib. 

Zəncani İran neftini sataraq pullarını mənimsəməkdə ittiham olunur. Ona qarşı 2 milyard 800 milyon dollarlıq dələduzluq ittihamı irəli sürülüb.

O, 2013-cü ilin dekabr ayında həbs edilib. Babək Zəncani Türkiyə, BƏƏ və Malayziyada aktivlərə malik Sorinet Group korporasiyasının rəhbəridir.