ABŞ-da yaşlı qadın Nensi Kiduell 1965-ci ildə əsasını qoyduğu şəhəri satışa çıxarıb.
Moderator.az "kp.ru”-ya istinadən xəbər verir ki, qadın Nevada ştatında yerləşən Kel-Nev-Ari şəhərini ikinci dəfə satmağa çalışır, ancaq hələ də alıcı tapa bilməyib. Birinci dəfə o, şəhərciyi 2011-ci ildə satışa çıxarıb və ona görə 17 milyon ABŞ dolları istəyib, ancaq heç kim onun bu istəyinə cavab verməyib. 2016-cı ildə o, qiyməti 2 dəfə aşağı salıb və yaşayış məskəninə görə 8 milyon ABŞ dolları tələb edib.
Qeyd etmək lazımdır ki, Kel-Nev-Ari şəhərciyi uğurlu yaşayaış məskənidir. Burada 350-yə yaxın adam yaşayır. Qurulduğu gündən bu günədək yaşayış məskənində kazino, qəlyanaltılı motel, mağaza və avtomobil dayanacağı var. Şəhərin öz kanalizasiyası var. Göründüyü kimi orada işlər o qədər də pis getmir.
Xanım Kiduell şəhəri idarə etməkdə gücünün çatmamağından şikayət edir. Lakin yerli sakinlər yeni rəhbərlik ilə onların ölçülü həyatına köklü dəyişikliklərin daxil olmasından narahatdırlar.
Xəbərdən istifadə edərkən istinad etmək vacibdir.
