Bunu açıqlamasında politoloq Elçin Abdullayev deyib. O, bildirib ki, bölgədə və dünyada başverən hadisələrin hamısının ssenaristi Amerikadır. Bu ilk növbədə ondan irəli gəlir ki, ABŞ öz güc balansından istifadə edərək, beynəlxalq münasibətləri, "özü-özünü idarəetmə” ideyasına qurban verdi: "Beləliklə, beynəlxalq tarazlığın pozulması prosesi başladı. Supergüc olaraq Amerika rahat şəkildə öz çıxarları naminə, dünyanın fərqli bölgələrində fərqli siyasət yürütdü. Yürüdülən siyasət içərisində dini, mədəni, siyasi, iqtisadi,hətta, işğalçılıq siyasəti var. Təəssüf ki, işğalçılıq siyasəti Amerika üçün bizim də yaşadığımız bölgə üçün keçərli oldu”.
Politoloqun fikrincə, Türkiyə-Amerika münasibətlərinin bu həddə çatmasında R.T.Ərdoğan faktoru mühim rol oynayır: "Bu bir faktdır ki, açıqsözlü, cəsarətli, bacarıqlı bir liderin olması nəinki Amerikanın bütövlükdə Qərb ölkələrinin işinə yaramır. (Hələ o müsəlman ölkəsinin lideridirsə o heç olmaz) Xronologiyaya baxanda isə görürük ki, ABŞ İlk olaraq Əfqanıstanı, daha sonra isə İraq işğal etdi. İraqın işğalı ilə R.T.Ərdoğanın Türkiyədə hakimiyyətə gəlməsilə eyni vaxta düşdü. Və Ankara-Vaşinqton münasibətlərindəki ilk çat məhz İraq məsələsində əmələ gəldi. Belə ki, Türkiyə NATO dövləti olaraq İraqın işğalına öz ərazisindən şərait yaratmadı. Belə olduğu halda amerikalılar düşündülər ki, bizim dəstəyimiz olmadan Türkiyə bir heçdir. Amma onlar R.T.Ərdoğan faktorunu ciddiyə almadılar.
Hadisələrin gedişatı göstərdi ki, Ərdoğan öz oyununu oynaya bildi. O, getdiyi hər yerdə dovlətini, millətini, dinini, layiqincə təmsil etdi.Beynəlxalq hüququn işləməli olduğunu, tərəfsizlik siyasətinin sona yetrilməsinin vacibliyini bütün çıxışlarında dilə gətrməklə, türk lider həm özünün, həm də dövlətinin reytinqini qaldıra bildi. O "Dünya 5-dən böyükdür ” deməklə ölkəsinin ambisiyasını dünyaya çatdırmaqla yanaşı, həm də Amerikaya bir mesaj verirdi ki, tərəfsiz siyasət yürütmək lazımdır. Amerika üçün isə onun liderliyini sorğulamaq qəbuledilməz olduğundan, da Türkiyəni addım başı sıxışdırıb nəzarətdə saxlağa çalışır. ABŞ Türkiyəni yanında görmək istəyirsə terrorçulura bu vəya digər şəkildə də dəstək verməməlidir. Çünki, Türkiyə artıq əvvəlki Türkiyə deyil. Zaman da göstərir ki, Türkiyə ilə hər bir dövlət hesablaşmalıdır. Xüsusən də bölgədə cərəyan edən hdisələrlə bağlı. Amerika Türkiyə ilə münasibətlərinə yenidən baxmazsa nəinki, bölgədəki, hətta, gələcək perespektivdə Avropadakı maraqları zərbə altına düşə bilər.
Vaşinqtonun oynadığı oyun Türkiyə- Rusiya yeni strateji güc balansı üçün perespektiv açır, ən azı NATO tərkibində olan və Türkiyə ərazisində yerləşən Amerikalı əsgərlər bu ölkədən çıxarılacaq. Deməli Amerika bölgədəki ən güclü və etibarlı ərazidən çıxarılmış ola bilər. Bu isə ABŞ-ın xarici siyasətinə ciddi zərbədir. AğEv siyastində korrekrə edib Beynəlxalq hüquqla münasibətləri tənzimləməzsə, itirən tərəf ABŞ olacaq”.
Xəbərdən istifadə edərkən istinad etmək vacibdir.
