Ukrayna parlamentinin binası qarşısında veteranlar və şaxtaçıların mitinqi aksiyaçılarla polis arasında toqquşmaya səbəb olub. Nəticədə iki asayiş keşikçisi xəsarət alıb.
Xeberle.com "İnterfax”a istinadən xəbər verir ki, bu barədə Ukrayna Daxili İŞlər Nazirliyindən bildiriblər.
İnformasiyaya əsasən, mitinq iştirakçılarından biri saxlanılıb.
Məlumata görə, iyunun 19-da 2 minə yaxın veteranlar təşkilatı təmsilçiləri və şaxtaçılar Kiyevin Konstitusiya meydanında güzəştlərinin saxlanılmasını tələb ediblər. Bu zaman polislə aksiya iştirakçıları arasında toqquşma olub. 

Xəbərdən istifadə edərkən istinad etmək vacibdir.