Türkmənistan "Ailə məcəlləsi”nə daxil edilən yeni normaya əsasən, ölkədə çoxarvadlılıq qadağan olunub.
"Report” "CA-NEWS”a istinadən xəbər verir ki, Türkmənistan prezidenti Qurbanqulu Berdıməhəmmədov "Ailə məcəlləsi”nə əlavə və dəyişikliklərlə bağlı qanunu imzalayıb.
Məcəllənin 7-ci maddəsinə əsasən, çoxarvadlılıq qadağan edilib.
"Çoxarvadlılıq dedikdə iki və ya bir neçə qadınla eyni zamanda bir yerdə ümumi təsərrüfat yaratmaq nəzərdə tutulur”, - deyə dəyişiklikdə bildirilib.
Yeni qanun 2019-cu il yanvarın 1-dən qüvvəyə minəcək. Bu qanunu pozanlar iki ilədək azadlıqdan məhrum ediləcək.
Cari ilin əvvəlində isə Türkmənistan prezidenti Qrubanqulu Berdıməhəmmədov televiziyada seks, zorakılıq və pis vərdişlərlə bağlı səhnələrin yayınlamasının qadağan olunması barədə qanun imzalayıb. 

Xəbərdən istifadə edərkən istinad etmək vacibdir.