Türkiyədə prezident idarə üsuluna keçidlə əlaqədar bu yaxınlarda edilən dəyişikliklərə əsasən, prezident Rəcəb Tayyib Ərdoğan ölkə Silahlı Qüvvələrinə polkovniklər, briqada generalları və kontr-admirallar təyin etmək səlahiyyəti əldə edib.
Xeberle.com bildirir ki, bu barədə "Resmi Gazete” məlumat yayıb.
Məlumata görə, ilk təyinat cari il avqustun 30-na planlaşdırılıb.
Qeyd edək ki, bu gün Hulusi Akar Türkiyənin milli müdafiə naziri, Yaşar Gülər isə Silahlı Qüvvələrin Baş Qərargah rəisi təyin edilib.
Qeyd edək ki, iyunun 24-də keçirilən prezident seçkilərində qələbə qazanan Türkiyənin 13-cü prezidenti Rəcəb Tayyib Ərdoğan dünən Beştəpədə yerləşən Prezident İqamətgahında hökümətin yeni təkibini açıqlayıb. Bu, prezident idarə üsuluna keçiddən sonra Türkiyə Respublikanın birinci hökumətidir.