Filippin Prezidenti Rodriqo Duterte müxtəlif cinayətlərə əli bulaşan 102 polis əməkdaşı ilə görüşdə yenidən səhvə yol verəcəkləri təqdirdə onları öldürmək tapşırığı verəcəyini bildirib. 

 

Xeberle.com-un Yeniavaz.com-a istinadən verdiyi məlumata görə, Prezident bildirib ki, adı bəzi cinayətlərə qarışan polislərin dosyalarını bir-bir araşdıracaq.

O deyib: "Əgər belə davam etsəniz, sizi həqiqətən öldürəcəm. Bundan sonra sizi ayrıca izləyəcək komanda olacaq. Ən kiçik səhvə yol versəniz, sizi öldürmək üçün göstəriş verəcəm”.

R. Duterte polislərin ailələrinə də çağırış edib: "Bu polislər ölsələr, insan haqları deyə bizə əsəbləşməyin, çünki mən əvvəlcədən xəbərdarlıq etdim”. Polislərin rüşvətxorluq, zorlama, narkotik ticarəti kimi cinayətlərdə ittiham edildiyi bildirilir.