ABŞ-ın vitse-prezidenti Mayk Pens  2020-ci ilə qədər "ABŞ kosmos qüvvələri komandanlığını" quracaqlarını bildirib.
 
Xeberle.com xarici mediaya istinadən xəbər verir ki. Pens müdafiə naziri Ceyms Mettis ilə ABŞ kosmik qüvvələrinin yaradılmasına dair bəyanat verib.

Mayk Pens kosmosun artıq böyük və mübahisəli bir yer halına gəldiyini və ABŞ-ın kosmosdakı üstünlüyünü qorumasının lazım olduğunu söyləyib. Həmçinin kosmos qüvvələri barədə konqresin dəstəyini də aldıqlarını dilə gətirərək, bu qüvvənin hava, quru, dəniz, dəniz piyadaları və sahil təhlükəsizlik komandanlıqları ilə yanaşı, altıncı bir komandanlıq olacağını da qeyd edib.


Pens bundan başqa, konqresin gələcək 5 il ərzində kosmos işləri üçün 8 milyard dollar əlavə fond ayıracağını da bildirib.