Sumqayıt şəhər Gənclər və İdman Baş İdarəsi və Təhsil Şöbəsinin birgə təşkilatçılığı ilə Gənclər Evində müxtəlif müsabiqə və yarışların şəhər və zona mərhələlərində yüksək nailiyyət əldə etmiş məktəblilərlə görüş keçirilib.
Xeberle.com-a verilən məlumata görə, Sumqayıt şəhər Gənclər və İdman Baş İdarəsinin rəisi Elşən Baxşəliyev son illər şəhər təhsilində gənclərin əldə etdikləri nailiyyətlərdən bəhs edib, bu nailyyətlərin dövlətin yeniyetmə və gənclərin inkişafı üçün yaratdığı əlverişli şərait sayəsində mümkün olduğunu nəzərə çatdırıb.Təhsil Şöbəsinin Metodiki Mərkəzinin direktoru, Respublikanın əməkdar müəllimi Sabir Məmmədov inşa yazılarında Sumqayıt məktəblilərinin Ülu Öndərə və Azərbaycan dilinə məhəbbətinin, səmimi duyğularının tərənnüm edildiyini xüsusilə vurğulayıb.Təbiət Elmləri Təmayüllü Gimnaziyanın direktoru, Respublikanın əməkdar müəllimi Nizami Əhmədov Sumqayıt məktəblilərini şəhər, respublika və beynəlxalq miqyaslı müsabiqə və yarışlarda əldə etdikləri uğurlar münasibətilə səmimi qəlbdən təbrik edib.Ümummilli Lider Heydər Əliyevin anadan olmasının 92-ci ildönümünə və 21 Fevral – Beynəlxalq Ana Dili Gününə həsr edilmiş inşa müsabiqələrində I, II, III yerləri tutmuş,Fənn Olimpiadalarının respublika mərhələsinə vəsiqə qazanmış məktəblilərə Gənclər və İdman Baş İdarəsinin fəxri fərmanları və hədiyyələri, həmçinin "Şahin” hərbi-idman oyununun şəhər birinciliyində I, II, III yerləri tutmuş komandalara fəxri fərmanları və kubokları, Fənn Olimpiadalarının zona mərhələsində II və III yeri tutmuş məktəblilərə, 31 Mart – Azərbaycanlıların Soyqırımı Gününə həsr olunmuş rəsm müsabiqəsinin qaliblərinə, məktəbdənkənar tərbiyə müəssisələrinin rəhbərlərinə və rəsm müəllimlərinə Təhsil Şöbəsinin fəxri fərmanları təqdim edilib.