Xəbər verdiyimiz kimi ABŞ prezidenti Donald Trampla Ermənistanın baş naziri Nikol Paşinyanın sentyabrda görüşü baş tutmayacaq. Belə ki, ABŞ tərəfi bu yolla Nikol Paşinyana Rusiya laboratoriyalarının onlar üçün açıq olmasının vacibliyini çatdırıblar.
Xeberle.com xəbər verir ki, Məsələni Bizimyol.info-ya şərh edən politoloq Məhəmməd Əsədullzadə qeyd edib ki, erməni lobbisi Paşinyanla Trampın görüşünə can atsalar da uğursuzluğa düçar oldular və bundan sonra da Ermənistanın bu kimi istəkləri Vaşinqton tərəfindən qəbul edilməyəcək:
"Ermənistan baş naziri Nikol Paşinyan ölkəsində hakimiyyəti ələ aldıqdan dərhal sonra əsas istəyi ABŞ prezidenti ilə görüşməyə tələsib. Bununla görüntü yaratamaq istəyir ki, Tramp bunu dəstəkləyir. Qeyd edək ki, Brüsseldə NATO sammitində Paşinyanın Trampa yaxınlaşması, görüş cəhd etməsi uğursuzluğla nəticələnmişdi. Erməni lobbisi çox çalışırdı ki, bu ay BMT sammitində Paşinyanla Trampın görüşü reallaşsın.
Hesab edirəm ki, Nikol Paşinyanın Putinlə görüşü və ABŞ Biloloji laboratoreyaya rus mütəxəssislərinin girişinə icazə verilməsi və bu kimi problemlər Trampla Paşinyanın görüşünü mümkünsüz etdi. Bu görüşə can atan erməni tərəfinin məyusluğu göstərir ki, rəsmi Yerevan forpost dövlət olaraq qalmaq istəyir. İstər Moskva, istərsə Vaşinqtondan asılı olmaq forpist deməkdir. Göründüyü kimi Paşinyan Tramp görüşü ABŞ üçün prioritet olmadığl üçün bu görüş ləğv edildi. Bundan sonra da Ermənistanın bu kimi istəkləri Vaşinqton tərəfindən qəbul edilməyəcək. Paşinyanın siyasətdə ardıcıl olmaması, qeyri-müəyyən siyasəti Vaşinqtonda narazılıqla qarşılanır”.

Xəbərdən istifadə edərkən istinad etmək vacibdir.