Qazaxıstanın Özbəkistandakı səfiri büdcə vəsaitlərinin mənimsəməkdə ittiham edilir.
Xeberle.com Sputnik Azərbaycan-a istinadən bildirir ki, Qazaxıstanın Milli Korrupsiyaya Qarşı Mübarizə Bürosunun məlumatına görə, onun 140 milyon tenge (378 min dollar) mənimsədiyi bildirilir.
"Milli büro Qazaxıstanın Özbəkistandakı səfirini külli miqdarda büdcə vəsaitini mənimsəməkdə ifşa edib" - qurumun yaydığı məlumatda bildirilir.
Məlumatda bildirilir ki, diplomat vəzifə səlahiyyətindən sui-istifadə edərək, Qazaxıstanın Özbəkistandakı səfirliyinin inzibati binasının tikintisi zamanı həyata keçirilmiş işlər üçün saxta aktlara imza atıb. Onun qanunsuz əməli zamanı dəyən zərər 140 milyon təngədir.
Qeyd edək ki, söhbət Qazaxıstanın Özbəkistandakı indiki səfiri Erik Utembayevdən gedir.
Qazaxıstan Xarici İşlər Nazirliyindən verilən məlumata görə, səfirlə bağlı iddia nazirliyin keçmiş icraçı katibi Anarbek Karaşevin istintaq işi ilə əlaqəlidir.
2014-cü ilin iyul ayından 2018-ci ilin may ayına kimi ölkənin Xarici İşlər Nazirliyində icraçı katib vəzifəsində olan Karaşev 2018-ci ildə korrupsiya cinayətləri törətməkdə şübhə ilə həbs edilib.
Xəbərdən istifadə edərkən istinad etmək vacibdir.
