Gürcüstan ABŞ-dan hərbi texnika almağı davam etdirəcək.
Xeberle.com Azvision.az-a istinadən xəbər verir ki, bu barədə Gürcüstanın müdafiə naziri Levan İzoriya Batumidə keçirilən müdafiə və təhlükəsizlik məsələləri üzrə beynəlxalq konfransda çıxışı zamanı bəyan edib.
"Gürcüstana tank əleyhinə "Javelin" sistemlərinin verilməsi olduqca vacib hadisədir. ABŞmüdafiə naziri cənab Mettis ilə şəxsi söhbətimdə mənə dedi ki, yalnız xüsusi etimad bəslədikləri ölkələrə münasibətdə bu cür sistemlərin verilməsinə dair qərarlar qəbul edirlər. Bundan çıxış edərək, biz ABŞ-dan başqa növ silahlar almağa davam edəcəyik" - İzoriya vurğulayıb.
Nazir onu da əlavə edib ki, "Javelin" sistemlərinin təhlükəsizliyinin təmini üçün Tbilisi bütün imkanlardan istifadə edəcək: "Bizim ABŞ-la əlaqələrimiz irəliyə doğru inkişaf edir. Bu, əvvəllər mövcud olmayan xüsusi bir əlaqədir."
Xəbərdən istifadə edərkən istinad etmək vacibdir.
