Noyabrın sonunda "Google Earth" servisinin çəkdiyi peyk fotoşəkillərində Rusiyanın Rostov vilayətinin Kamensk-Şaxtinsk şəhərinin yaxınlığını əks etdirən görüntülərdə "Ukrayna ilə sərhəddə yüzlərlə rus tankı" qeydə alınıb.
Xeberle.com virtualaz.org-a istinadən bildirir ki,hərbi texnika Rusiya-Ukrayna sərhədinin cəmi 18 kilometrliyində yerləşdirilib. Böyük əksəriyyəti T-64 və T-62M olan yüzlərlə tankdan əlavə, şəkillərdə bir neçə min ədəd hərbi yük maşınını da sezmək mümkündür.
Bir neçə gün öncə Ukrayna prezidenti Pyotr Poroşenko bildirmişdi ki, Ukrayna Silahlı Qüvvələrinin desant-hücum bölmələri Rusiya ilə sərhədə atılacaqlar.
Xatırladaq ki, ötən ayın sonlarında Poroşenko imzaladığı fərmanla Ukraynanın bir sıra vilayətlərində - ilk növbədə Rusiya və Dnestryanı ilə sərhəd bölgələrində, eyni zamanda Azov-Kerç hövzəsində hərbi vəziyyət tətbiq edib.
Xəbərdən istifadə edərkən istinad etmək vacibdir.
