Uşaq bağçasının həyətində yaşanan hadisənin görüntüləri izləyənləri dəhşətə gətirib.
Rusiyada baş verən hadisə bağçanın həyətində quraşdırılan müşahidə kamerasına düşüb. Belə ki, uşaqlar həyətdə oynayarkən 3 yaşlı Kseniya pilləkəndən sallanmaq istəyib. Bu zaman əli sürüşüb və gödəkçəsinin papağından asılı vəziyyətdə qalıb. Boğulduğu üçün kömək də çağıra bilməyib. Azyaşlılar da ona fikir verməyib. Təxminən 2-3 dəqiqə asılı vəziyyətdə qalıb. Daha sonra tərbiyəçinin gözü asılı vəziyyətdə qalan Kseniyaya sataşıb. Tez özünü yetirən tərbiyəçi uşağı nərdivandan yerə düşürüb. Amma uşaq huşunu itirmiş vəziyyətdə olub. Xoşbəxtlikdən Kseniya ölümdən qurtula bilib.
Anasının sözlərinə görə, bağçaya gələndə müdir Kseniyanın başına gələnləri gizlətməyə çalışıb: "Mən bağçaya gələndə müdir özünü birtəhər aparırdı. Kseniyanın huşunu itirməsi barədə mənə heç nə demədi. Ertəsi gün öyrəndim ki, Kseniya 5-7 dəqiqə bağçanın koridorunda huşsuz vəziyyətdə uzanıb və təcili yardım çağırılıb".
Hazırda uşağın vəziyyəti normal olsa da, anası gələcəkdə bu hadisənin övladının sağlamlığına hər hansı təsirindən narahatdır.(publika.az)
Xəbərdən istifadə edərkən istinad etmək vacibdir.
