Gülüşün insan orqanizmi üçün bir çox faydaları var. Onun ən əsas faydalarından biri isə stressi, emosional gərginliyi, zehni yorğunluğu aradan qaldırmağıdır. Təbii ki, dövlət başçıları da bu faydalardan yararlanmaq üçün gülməyə vaxt tapırlar. Ancaq siyasilərin gülüşlərində səmimiyyətlə yanaşı, bəzən kinayə, istehza, siyasi məna kəsb edən təbəssümlər də olur. Yəqin ki, hamı üçün maraqlıdır siyasi liderlər kimə, nəyə və necə gülürlər? 

Modern.az saytı bu yazıda prezidentlərlə bağlı daha bir maraqlı məqama toxunacaq.

Azərbaycan Prezidenti İlham Əliyev və Türkiyə Respublikasının Prezidenti Abdulla Gül. Prezidentlərin iki ölkə arasında dostluq və qardaşlıq münasibətlərini əks etdirən səmimi gülüşləri.

Amerika Birləşmiş Ştatlarının prezidenti Barak Obama. Ənənəvi mətbuat konfransında jurnalist öz sualı ilə Amerika prezidentini gülməkdən uğundurur.

Rusiya Federasiyasının prezidenti Vladimir Putin. Yəqin ki, Pusiya prezidenti ermənistanlı həmkarı ilə görüşünü xatırlayır.

Şimali Koreya lideri Kim Çen In. O gülürsə hamı gülməlidir. Hətta ən ciddi hərbi tədbirlərdə belə.

Ukrayna prezidenti Pyotr Poroşenko. “Maydan” mübarizələrindən sonra qələbə və təntənə gülüşü.

Belarus prezidenti Aleksandr Lukaşenko. Viktor Yanukoviçin siyasi qətiyyətsizliyinə istehza gülüşü.

Argentina prezidenti Kristina Fernandes de Kirşner. Siyasi qələbəni, iradəni və qətiyyəti əks etdirən qadın gülüşü.

Fransa prezidenti Fransua Olland. Fransa prezidentinin təhsil ocalarının birindəki bu qeyri-adi gülüşü bütün fransızları təəccübləndirib.

Qazaxıstan prezidenti Nursultan Nazarbayev, Belarus prezidenti Aleksandr Lukaşenko, Pusiya prezidenti Vladimir Putin. “Avrasiya” gülüşü.

Ukraynanın sabiq prezidenti Viktor Yanukoviç. Rusiyaya qaçdıqdan sonra “mən bu gün də Ukraynanın qanuni prezidentiyəm” deyən sabiq prezidentin “xəyal” gülüşü.

Rusiyanın baş naziri Dmitri Medvedev. “Selfie” həvəskarının “selfie” gülüşü.

Almaniya kansleri Angela Merkel. Almaniya telekanallarında Ukrayna hadisələri ilə bağlı çəkilişlərə baxarkən xanım kanslerin reaksiyası.

Ermənistan prezidenti isə daha gülə bilmir. Aldığı siyasi zərbələr onu gülüşdən məhrum edib.

İlham Cəmiloğlu