Ukraynada gün ərzində 1000-dən çox silahlı məhv edilib.

ANS TV-nin məlumatına görə, Ukraynada 1000-dən çox silahlının məhv edilməsini Antiterror Əməliyyatının spikeri Vladislav Seleznyov bildirib. Ötən gecədən Ukrayna Hərbi-Hava Qüvvələri ruspərəst qüvvələrin mövqelərini, baza və düşərgələrini bombardman edib. Bir neçə minaatan bateriya, zirehli texnika, döyüş maşını sıradan çıxarılıb. Döyüşlər zamanı Ukrayna ordusu da itkilər verib. 3 ukraynalı hərbçi ölüb, 23-ü yaralanıb. 

Ukraynanın şərqində vəziyyətin gərgin olduğu bir vaxtda Rusiya yönümlü komandir Arsen Pavlov, Donetskdə özünə toy edib. Toy mərasimində silahılar iştirak edib. Nikah qondarma Donetsk Xalq Respublikasının qeydiyyat orqanında rəsmiləşdirilib. 

Kiyevdə bir qrup etirazçı Ukraynalı qadın pilotun Rusiya tərəfindən həbsinə etiraz olaraq Rusiyanın səfirliyi qarşısında piket keçirib. Etirazçılar əllərində plakatlar tutaraq, iki rus jurnalistin qətlində ittiham olunan Nadejda Savçenkonun azad olunmasını tələb ediblər.