İraqdakı Mosul şəhəri yaxınlığında peşmərgələr ilə İraq Şam İslam Dövləti terrorçu qruplaşma arasında toqquşma baş verib.
Zummar ərazisini ələ keçirmək istəyən İŞİD döyüşçüləri peşmərgə qüvvələrinə hücum edib. Toqquşmalar zamanı 62 İŞİD döyüşçüsü öldürülüb. Yüksək rütbəli peşmərgə komandirləri Ərbildə toplanaraq son vəziyyəti qiymətləndiriblər.
Peşmərgə komandirləri İŞİD-in hücumu zamanı 40 kürdün ağır yaralandığını bildirib. Bu hadisədən sonra hücum əmri verən peşmərgə komandiri İŞİD-i kürd bölgəsindən qovacağını açıqlayıb.
İraqın kürd bölgəsinin lideri Məsud Bərzani də İŞİD-in hücumlarına reaksiya göstərib. O bildirib ki, Şengal bölgəsində hücuma məruz qalan yezidiləri heç bir düşmən yox edə bilməyəcək:
"Şengalın hər qarış torpağını azad etmək, qardaşlarımızı müdafiə etmək üçün ciddi və qərarlıyıq",-deyə Bərzani söyləyib.(anspress.com)
Xəbərdən istifadə edərkən istinad etmək vacibdir.
