Ukrayna hərbçiləri Donetsk və Luqansk vilayətlərinin Bulavinskoe, Çernuxino və Aleksandrovskoe yaşayış məntəqələrini separatçılardan azad edib.

Axar.az xəbər verir ki, bu barədə anti-terror əməliyyat mərkəzinin nümayəndəsi Leonid Matyuxin açıqlama verib.

Onun sözlərinə görə, dünən separatçıların mövqeləri artilleriya atəşinə tutulub.  

“Artilleriyaçılar öz işlərini mükəmməl yerinə yetirdilər. Nəticədə düşmən ciddi itki verib”, - Matyuxin bildirib.

Qeyd edək ki, dünən Snejnoe, Staxanov və Alçevskdə yerləşən separatçıların canlı qüvvə və texnikanı Rusiya sərhədinə doğru geri çəkdiyi bildirilmişdi.