Dərəçiçəkdəki yay iqamətgahında jurnalistləri qəbul edən Serj Sarqsyanın bəzi çıxışları erməni mətbuatı tərəfindən payızı gərgin edəəjyini vəd edən müxalifətə xəbərdarlıq kimi qəbul edilib. 

ANS PRESS-in məlumatına görə, bu barədə material dərc edən “Armenian Report” portalı bunu Serj Sarsqyanın müxalifətdən qorxması kimi dəyərləndirib. Portalın fikrincə, Ermənistan prezidenti həm də kütlə qarşısında özünə inam nümayiş etdirməyə çalışır ki, qorxmadığını bəyan etsin. 

Məqalə müəllifi həm də Ermənistan prezidentinin payızda həyata keçirəcəyi konstitusiya islahatları ilə müxalifəti cilovlamağa çalışajağını ehtimal edir. “Konstitusiya islahatları Sarqsyan üçün siyasi təsir vasitəsidir. Buna paralel şəkildə o, məsələni güc yolu ilə də həll etməyə çalışacaq. Sarqsyan lazım olsa ordunu da işə salacaq”,- deyə məqalədə vurğulanır. 

Payızda erməni müxalifəti Sarqsyanı yıxmaqla Ermənistanın Gömrük İttifaqına girməsini əngəlləmək istəyir. Ermənistan prezidenti təbii ki, belə olan zaman müxalifətə qarşı hər vasitədən istifadə edəcək.