Yerinə Əbu Müslüm Türkmən keçdi.
Terrorçu “İraq Şam və İslam Dövləti” qruplaşmasının lideri Əbu Bəkir Bağdadinin öldüyü iddia edilir.
APA.TV-nin İraq mətbuatına istinadən məlumatına görə, sentyabrın 2-də Amerli ətrafında gedən döyüşlərdə əsir götürülən İŞİD döyüşçüsünün sözlərinə görə, liderləri ölüb və yerinə Əbu Müslüm Türkmən gətirilib.
Adı “Əbu Səlma” olan bu şəxs Bağdadinin 3 həftə əvvəl Amerikanın İŞİD mövqelərini bombardman edən zaman yaralandığını deyib.
Onun sözlərinə görə, İŞİD lideri müalicə üçün Suriyaya göndərilib, lakin ağır yaralandığı üçün onu xilas etmək mümkün olmayıb. “Əbu Səlma” bildirib ki, Bağdadinin ölümü İŞİD daxilində qarışıqlıq yaradacağından dərhal yerinə Əbu Müslüm Türkmən gətirilib.
Bu yaxınlarda isə İŞİD-in başsız qalmaması üçün İraq və Suriya dəstələrinin birlikdə yeni lider seçəcəyi ehtimal edilir.
Xəbərdən istifadə edərkən istinad etmək vacibdir.
