Dünyada bəzi restoranlar var ki, qəribəliyi ilə fərqlənir. Amerikada “Cafe Bob” adlı restoran daha çox pulsuz müştəriləri cəlb edir.
ANS PRESS-in məlumatına görə, bu restoranda "Bir yaxşılıq elə" adlı kampaniya keçirilir. İmkanlı müştərilər kasıblar üçün hesab ödəyirlər. Kasıb müştərilər imkanlıların hesabına yemək yeyir və qəhvə içirlər.

Bu restoran açıldıqdan sonra qısa bir zamanda 12 min müştərinin daimi yerinə çevrilib.

Çilidə isə xidmət göstərən “Cafe con Piernas”da işçilər ancaq yaraşıqlı xanımlardır. Eyni kafe San-Dieqoda da açılıb. Burada xidmət göstərən gözəl xanımlar qısa ətəkli və yaraşıqlı görkəmləri ilə müştərilərin könlünü oxşayır. Kafenin müştəriləri yalnız imkanlı şəxslərdən ibarətdir. Burada ofisantlar hündürbanlı ayaqqabı geyir və qısa ətəkləri ilə gözəlliklərinə daha da cazibədarlıq qatırlar.

Çin, Cənubi Koreya, Fransa, Meksika, Kanada, Yaponiya və ABŞ-da isə bəzi kafelərdə xidmət göstərən xanım ofisantlar xidmətçi formasında olurlar. Yaponiyada isə bəzi kafelərdə masaj xidmətləri göstərilir.