Ukrayna hökuməti ilə ölkənin şərqindəki separatçı qüvvələr arasında baş verən bütün silahlı toqquşmalara son qoyulması barədə memorandum imzalanıb.

İnterAz “Russia Today”-ə istinadən xəbər verir ki, Belorusiya paytaxtında imzalanan razılaşmaya görə, döyüşən qüvvələr arasında bufer zonası yaradılacaq, bütün silahlı birliklər və muzdlu döyüşçülər geri çəkiləcək, ərazi üzərində hərbi uçuşlar qadağan ediləcək.

Minskdə baş tutan sülh danışıqlarının yekununda jurnalistlərə müsahibə verən Ukraynanın sabiq prezidenti Leonid Kuçma bəyan edib ki, memorandum 9 maddədən ibarətdir. “Birinci maddəyə əsasən, hər iki tərəf atəşi dayandırır, ikinci maddəyə əsasən, sentyabrın 19-dan etibarən hər cür hərbi birliklərin yaradılması dayandırılır, üçüncü maddəyə əsasən, tərəflar bütün silah növlərinin istifadəsini dayandırır və qarşılıqlı hücumlara so qoyulur.” – L.Kuçma qeyd edib.

Razılaşmaya əsasən, 30 kilometr məsadə yaradılacaq bufer sonasının üzərində hər cür hərbi təyyarələrin hərəkəti qadağan edilir.

Razılaşmada o da qeyd edilir ki, Ukrayna hökumət qoşunları bütün ağır artilleriya qüvvələrini münaqişə zonasından 15 kilometr məsafədə geri çəkəcək.

Tərəflər əsirlərin mübadiləsini də böyünlarına götürüblər.

Münaqişə ocağında bu atəşkəs memorandumunun hansı səviyyədə icra edilməsini müşyiət etmək üçün ATƏT-in 500 nəfərlik komissiyası rəaziyə yollanacaq.