Dünən Şotlandiyada keçirilən müstəqillik referendumunun ilkin nəticələri açıqlanıb.

İnterAz-ın BBC-yə istinadən məlumatıan görə, ölkənin 32 əyalətində keçirilən ümumxalq səsverməsində artıq 30 əyalətin referendum nəticələri açıqlanıb.

Məlumata görə, əhalinin 55 faizi müstəqilliyin əleyhinə səs verərək Böyük Britaniyanın tərkibində qalmağı seçib.

Referendumda iştirak edənlərin 45 faizi isə müstəqilliyin lehinə səs verib.

Beləliklə də, Şotlandiyanın Böyük Britaniya Birləşmiş Krallığının tərkibində qalması qətiləşib.

Buna əsaslanaraq, iki il davam edən müstəqillik kompaniyasının məğlubiyyətlə nəticələndiyini demək olar.

Bu təbliğata rəhbərlik edən Şotlandiyanın birinci naziri Aleks Salmond artıq mətbuata öz məğlubiyyətini etiraf edib. Bundan sonra, əsas diqqət rəsmi Londondan daha artıq azadlıq tələb etmək uğrunda siyasi fəaliyyətlər davam edəcək.