Dövlət başçısı olmaq böyük məsuliyyətdir. Ölkəni idarə etmək, taleyüklü məsələlərin həlli  üçün qərarlar vermək, xaricidə və beynəlxaql konfranslarda saatlarla gərgin danışıqlar aparmaq və s. Lakin bütün vəzifə və peşə sahibləri kimi, prezidentlər də ən böyük çətinliyi layiqli övlad yetirdirməkdə görürlər. Çünki övladlarının istənilən məsuliyyətsiz və şıltaq hərəkəti prezident kimi dövlət əhəmiyyətli fiqurun reputasiyasına sağalmaz zərbə vura, yaxud iş karyerasında qazandığı uğurla ona başucalığı gətirə bilər. 

Modern.az saytı ataları ölkə başçısı olan prezident övladlarının bugünkü məşğuliyyətləri barədə yazının ikinci hissəsini təqdim edir.

2 nikahdan 3 övladı olan dövlət başçısı

Toomas Hendrik İlves 2 dəfə nikaha daxil olub. İlk dəfə eston prezident 1985-ci ildə psixoloq Meri Ballokla ailə həyatı qurmuşdu. Bu nikahdan onun Lukas (1987) və Yuliya (1992) adlı övladları var. Oğlu Lukas 2009-cu ildə ABŞ-ın Stenford Universitetinin Fəlsəfə və beynəlxalq münasibətlər fakültəsini bitirib. Eston ordusunda da xidmət etmiş prezident oğlu 2012-ci ilin yanvarından Estoniya Dövlət İnfosistem Departamentində beynəlxalq əməkdaşlıq məsələri üzrə ekspertdir. Qızı Yuliya isə ABŞ-da təhsil alıb və orada yaşayır.
2001-ci ildə ixtisasca həkim Evelin İnt-Lambot ilə ailə həyatı quran Toomas İlves 2003-cü ildə 3-cü dəfə ata olub. Ölkəni birinci ledisi ona Keyu adlı qız övladı bəxş edib. 11 yaşlı Keyu hazırda 5-ci sinif şagirdidi.

Nikahdankənar övladları olan latış prezident


Andris Berzinş 2011-ci ildə Latviya prezidenti seçilib. İnauqurasiya mərasiminə 1 həftə qalmış Berzinş 10 ildən artıq vətəndaş nikahında yaşadığı Dase Seytsuma ilə rəsmən evlənib. Bu zaman artıq onların 6 yaşlı Kristaps adlı oğul övladları vardı. Bununla da endokrionoloq həkim olan Seytsuma ölkənin birinci ledisinə çevrilir. Onların nikahaqədər doğulan oğulları Kristaps isə hazırda 2-ci sinif şagirdidir.
Amma bu, Andris Berznşin ilk ailəsi deyil. Boşanma ilə nəticələnən ilk nikahdan onunAyqars və Yeva adlı iki övladı var. İxtisasca mühəndis olan Ayqars fotobizneslə məşğul olur və 5 övlad atasıdır. Prezidentin qızı Yeva isə Latviyada fəlsəfə fakültəsini bitirdikdən sonra ABŞ-a köçüb. O, Amerikada psixoloq təhsili alıb və öz ixtisaı üzrə çalışır.

Oğlu intihar etmiş İran prezidenti


Ötən il İranın dövlət başçısı seçilən Həsən Ruhaninin ailəsi barədə təfsilatlı məlumat yoxdur. Bununla belə, məlumdur ki, o, 1969-cu ildə qohumu Sahidə Ruhani ilə ailə həyatı qurub. Bu zaman onun 21, həyat yoldaşının isə 14 yaşı olub. Həsən və Sahidə Ruhani cütlüyünün 4 övladı olub. Ailənin böyül oğlu 1992-ci ildə intihar edərək həyatına son qoyub.

9 uşaq atası olan ölkə rəhbəri

Artıq 20 ildir ki, Tacikistanın əvəzsiz prezidenti olan Emoməli Rahmon Azizmo Əsədulayeva ilə evlidir. Cütlüyün 7 qızı və 2 oğlu övladı var. Prezidentin böyül oğluRüstəm Rahmon Tacikisyan Gömrük Xidmətinin gömrük pozuntularına qarşı mübarizə idarəsinin rəisidir. Eyni vaxtda, Tacikistan Futbol Federasiyasının prezidenti səlahiyyətlərini icra edir. 15 yaşlı kiçik oğlu Somon isə Düşənbə Beynəlxalq məktəbində təhsil alır. O, proqramlaşdırma üzrə beynəlxalq olimpiadanın qalibidir. Emoməli Rahmonun qızları Firuzə, Azadə, Ruhşanə, Təhminə, Pərvinə, Zərinə və Fərzanəisə Tacisistanın nüfuzlu biznesmenləri və məmurları ilə evlidir.

Həyat yoldaşını qəzada itirən Finlyandiya prezidenti


2012-ci il martın 1-dən Finlyandiya prezidenti səlahiyyətlərini icra edən Sauli Niynistö 2 dəfə evli olub və onun 2 oğul övladı var. O, ilk həyat yoldaşı Marya Lena Alanko ilə 1974-cü ildə ailə həyatı qurub. Bu nikahdan onun iki oğlu – Nuutti (1975) və Matias(1980) dünyaya gəlib. Marya Alanko 1995-c ildə keçirdiyi yol qəzasında faciəvi şəkildə dünyasını dəyişib. 
2009-cu ildə isə Niynistö tanınmış yazıçı Enni Xaukio ilə ailə həyatı qurub. Sauli Niynistönün 3 nəvəsi var.

Vüqar İsmayılov