Yüz il insan üçün kifayət qədər uzun ömürdür amma bəzi heyvanlar üçün bunu demək olmaz
Uizdom adlı qağayı, 62 il
Zahirən bu qədər yaşa malik olmasını anlamaq çətin olsa da, Uizdom adlı qağayının 62 yaşı var. O, yer üzündə məlum olan ən yaşlı quş hesab olunur. Uizdom hələ də yumurtalayır.
Tomas adlı Tısbağa, 130 il
Bu tısbağanın adı Tomasdır. İngiltərədə yaşayan Tomas 130 il ömür sürüb. İki cahab müharibəsinə şahidlik edən bu heyvan siçan tərəfindən ayağı dişləndikdən sonra xəstələnib və həyatını itirib.
Böyük Corc adlı xərçəng, 140 il
Bu omarın adı Böyük Corcdur. Onun 140 yaşı var. Bu nəhəng dəniz xərçəngi heyvan mühafizəçiləri tərəfindən Nyu-Yorkdakı yeməkxanaların birində aşkarlanaraq satın alınıb.
Qrenlandiya balinaları, 200 il
Qrenlandiya balinalarının əsasən 80 il ömür sürdükləri təxmin edilirdi. Lakin, 2007-ci ilin mayında Alyaska sahillərinə çıxan balinalardan birinin boyundakı piy qatına ilişmiş partlayıcı qarmaq aşkar edilib. Alimlər həmin qarmaqların 1890-cı ildə istehsal edilyini əsas gətirərək bu heyvanların 200 ilədək yaşaya biləcəyini aşkar ediblər.
Hanako adlı koi balığı, 226 il
Hanako adlı koi cinsli balığın 226 il yaşaması barədə müxtəlif fikirlər var. Onun barəsində deyilir ki, bu akvarium balığı dəfələrlə, müxtəlif tarixlərdə, müxtəlif insanlar tərəfindən alınıb və saxlanılıb. Onun 1977-ci ildə, 226 yaşında öldüyü bildirilir.
Advayta adlı tısbağa, 255 il
Advayta adlı nəhəng tısbağa 255 il ömür sürüb. O, 2006-cı ildə Hindistanın Kəlküt əyalətindəki heyvanxanaların birində ölüb. Advayta indiyə kimi qeydə alınan ən uzun ömürlü heyvan hesab olunur.
Xəbərdən istifadə edərkən istinad etmək vacibdir.
