2016-cı ildə Braziliyanın Rio-de-Janeyro şəhərində keçiriləcək yay Olimpiya və Paralimpiya oyunlarının talismanlarının təqdimatı baş tutub. Talismanlar və ya maskotlar Braziliyanın heyvanat və bitki aləmini simvolizə edir. Braziliya faunasının obrazı pişiyə bənzəyən sarı rəngli heyvanla, flora isə palma ağacları şəklində "saçları" olan yaşıl rəngli talismanla təsvir edilib. 
Personajların adlarının seçilməsi ictimai sorğu yolu ilə həyata keçiriləcək. Şort-listə Oba və Eba, Tiba-Tuke və Eskidim, Vinisius və Tom kimi cütlük adları daxil edilib. 
Ehtimal edilir ki, təşkilatçılar bazara yay oyunlarının simvolikası ilə 12 min mal çıxaracaqlar. "Rio-201" brendi olan bu məhsulların satılmasından gözlənilən gəlirin 400 milyon dollar olacağı gözlənilir. 
Təşkilatçılar həmçinin daha gənc auditoriyada Olimpiya və Paralimpiya oyunlarına maraq yaratmaq niyyətindədirlər. Bu məqsədlə Olimpiadanın başlamasına 1 il qalmış televiziyada "Rio-2016" talismanlarının iştirakı ilə serialın nümayiş etdirilməsi planlaşdırılır.