"Bu, Milad bayramına ən yaxşı hədiyyədir”.

On nəfərdən ibarət ailə itmiş Malayziya təyyarəsinə gecikərək sağ qala bilib. 

Təyyarənin uçuş vaxtı iki saat əvvələ keçirilib, lakin ailə başçısı Ari Putro Kanyexo elektron poçtunu yoxlamayıb və bu barədə ona məlumat vermək üçün aviaşirkətdən də zəng vurulmayıb. Ailə hava limanına bir neçə dəqiqə gec gəlib. 

"Bu, sizin ailənizin Milad bayramına ala biləcəyi ən yaxşı hədiyyə olmalıdır. Uçmalı olduğunuz təyyarə qəzaya uğrayıb”, - sərnişinlərə aviaşirkətin nümayəndəsi deyib. 

Surabaydan Sinqapura uçan A320-200 Airbus təyyarəsi radarlardan itib. Təyyarədə 162 nəfər olub. Qəzanı araşdıran İndoneziya xilasedici qurumunun rəhbəri öncə bildirmişdi ki, təyyarə çox güman ki, dənizə düşüb. İndoneziya hakimiyyəti təyyarənin ehtimal olunduğu qəza rayonuna iki vertolyot və altı xilasetmə gəmisi göndərib. 

İndoneziya təyyarəni dənizin dibindən qaldıra biləcək xilasetmə qurğularına malik deyil. Buna görə də ölkənin axtarış və milli agentliyi Böyük Britaniya, Fransa və ABŞ-dan texniki yardım istəyəcək.  (oxu.az)