"Twitter” "Periscope”u bir xidmət olaraq dayandıracağını və şirkətin "Periscope” tətbiqetmələrini 2021-ci ilin mart ayınadək ləğv edəcəyini açıqlayıb.
Xeberle.com "The Verge” portalına istinadən xəbər verir ki, "Periscope”un fəaliyyətinin dayandırılmasından sonra "Twitter” sosial şəbəkəsi canlı video yayımını inteqrasiya edilmiş "Twitter” Live xüsusiyyəti ilə davam etdirəcək.
""Periscope” tətbiqi qeyri-dayanıqlı saxlanma rejimindədir və uzun bir müddətdir ki, davam edir. Son bir neçə il ərzində tətbiqdən istifadənin azaldığını müşahidə etdik və bilirik ki, tətbiqin dəstəklənməsi üçün xərclər zamanla artmağa davam edəcək”,-deyə şirkətin açıqlamasında bildirilib.
"Periscope” fəaliyyətini mart ayında dayandırmağı planlaşdırsa da, şirkət bu gündən etibarən tətbiqetmələrdə yeni hesab qeydiyyatını dayandıracaq.
Açıqlamaya görə, istifadəçilər tətbiq bağlanmadan əvvəl həm "Periscope” videolarının, həm də məlumatlarının arxivini yükləmək imkanına sahib olacaqlar.
Xəbərdən istifadə edərkən istinad etmək vacibdir.
