Ermənistan Silahlı Qüvvələrinin Baş Qərargahı ölkənin baş naziri Nikol Paşinyanı istefaya çağırıb.
Xeberle.com xəbər verir ki, bu barədə "Sputnik Armeniya" məlumat yayıb.
Baş Qərargah N.Paşinyanın istefasını tələb edən bəyanat yayıb. Sənədi Silahlı Qüvvələrinin Baş Qərargah rəisi, general-polkovnik Onik Qasparyan və daha 19 general imzalayıb.
Silahlı Qüvvələrin Baş Qərargahı qurum rəisinin birinci müavininin vəzifədən azad olunmasına kəskin etirazını bildirib. Baş Qərargah ölkənin baş nazirinin bu qərarını dövlətə qarşı məsuliyyətsiz addım adlandırıb.
Xəbərdən istifadə edərkən istinad etmək vacibdir.
