"Vaşinqtonun sərt açıqlamalarına və düşmən ifadələrinə baxmayaraq, Rusiya Prezidenti Vladimir Putin ən azından Moskvaya faydalı olan sahələrdə ABŞ-la yaxşı münasibətlər qurmağın davamlı tərəfdarı olaraq qalır”.
Xeberle.com xəbər verir ki, bu barədə Rusiya Prezidentinin mətbuat katibi Dmitri Peskov açıqlama verib.
Onun sözlərinə görə, Rusiya-ABŞ münasibətlərinin inkişafında Rusiya ABŞ-ın hazır olduğu qədər qabağa getməyə hazırdır. Buna görə Peskov qeyd edib ki, bu baxımdan Moskvanın tutarlı mövqeyi göz qabağındadır.
"Putin yaxşı münasibətlər qurmağın ardıcıl tərəfdarı olaraq qalır”,- deyə Kremlin sözçüsü qeyd edib.
Xatırladaq ki, Vaşinqton dəfələrlə Rusiyanın "Şimal Axını- 2” layihəsinə qarşı sanksiyalar tətbiq etməyə davam edəcəyini bildirib.
Xəbərdən istifadə edərkən istinad etmək vacibdir.
