Rusiyanın ABŞ-dakı müvəqqəti işlər vəkili Dövlət Departamentinə çağırılıb.
Xeberle.com-un xəbərinə görə, bu barədə TASS Rusiya səfirliyinə istinadən məlumat verib.
Qeyd olunur ki, diplomat Moskvanın sabitliyi pozma hərəkətləri ilə bağlı ittihamları qətiyyətlə rədd edib.
Dövlət Departamentinin Avropa və Avrasiya Məsələləri üzrə Bürosundan bildirilib ki, müvəqqəti işlər vəkili "Rusiyanın Avroatlantik bölgəsində həyata keçirməyə davam etdiyi sabitliyi pozan hərəkətlərdən narahatlığını ifadə etmək” üçün çağırılıb.
Xatırladaq ki, Rusiya 21 aprel tarixində ABŞ səfirliyinin 10 məmurunu "persona non qrata” elan edib. Amerikalılar 22 maya qədər Rusiyanı tərk etməlidirlər.
Rusiya Xarici İşlər Nazirliyi ABŞ-ın sanksiyalarına cavab olaraq gələcək addımlarını yaxın gələcəkdə açıqlayacağını bəyan edib.
Xəbərdən istifadə edərkən istinad etmək vacibdir.
