Roma Papasının səfəri öncəsi böyük bir fəallığın yaşandığı Filippində rəsmilər, küçələrdəki kimsəsiz uşaqları sanki küçə itləri toplayırmış kimi toplayıb, sığınma evinə gətirirlər. Analitik.az xəbər verir ki, şəhərciyi xatırladan dəmir qəfəsə salınan uşaqlar böyüklərlə eyni yerdə, böyük bir izdiham içində saxlanılır. Gecələr yerdə beton döşəmə üzərində yatan uşaqlar, burada özlərindən böyüklər tərəfindən işgəncəyə məruz qalırlar.
Qeyri-insani rəftarın hökm sürdüyü bu qəfəslərdə eyni zamanda gündə yüzlərlə uşaq acından ölür. 11 yaşında bir uşağın beton döşəmə üzərində çılpaq şəkildə yatması burada yaşanan dəhşətin ən gözəl göstəricisi hesab olunur. Üstəlik bu biabırçılıqdan əlavə, Papanın ziyarəti zamanı küçələrdəki uşaqların bir çoxu da həbs edilib. Həmin uşaqlardan biri də dəmir sütuna qandallanmış halda günlərlə saxlanılan və işgəncələrdən ağlayan 13 yaşlı qız uşağıdır.
