"Southwest Airlines" aviaşirkəti 1,6 milyon dollar cərimə ödəməyə razı olub. Cərimə enişdən sonra sərnişinlərin təyyarədə 3 saatdan çox qalmalarına görə veriləcək.
Bu, yerdə yubanma qaydalarını pozmağa görə dünya mülki aviasiya tarixində ən iri cərimə olacaq.
ABŞ Nəqliyyat Nazirliyi məlumat verib ki, bu il yanvarın 2-3-də Çikaqonun Miduey aeroportunda 16 reys 3 saatdan çox yubadılıb ki, bu da yol verilən həddən artıqdır.
Yubanmanın pis hava şəraitinə və personal çatışmazlığına görə baş verdiyi bildirilir. (trend.az)
Xəbərdən istifadə edərkən istinad etmək vacibdir.
