Kremlin mətbuat katibi Dmitri Peskov Rusiya Prezidenti Vladimir Putinin Tokioda keçiriləcək Olimpiya Oyunlarının açılışında iştirak etməməsinin səbəbini açıqlayıb.
Xeberle.com xəbər verir ki, Peskov bunu tədbirin xüsusi bir rejimdə baş tutacağı ilə izah edib.
- Prezidenti heç kim təmsil etməyəcək. Düzü, Rusiya Federasiyasından Tokioda kimin olacağını dəqiq bilmirəm. Yəqin ki, Olimpiya Komitəsinə müraciət etməlisiniz", - mətbuat katibi jurnalistlərə deyib.
Xatırladaq ki, koronavirus pandemiyası səbəbindən 2020-ci ildən 2021-ə təxirə salınan Olimpiya Oyunları 23 iyul - 8 avqust tarixlərində keçiriləcək.
Xəbərdən istifadə edərkən istinad etmək vacibdir.
