"The Associated Press” agentliyinin Bostondan verdiyi xəbərdə deyilir ki, Massaçusetsdən olan bir nəfər günorta yeməyi almaq üçün 100 dollarlıq əskinası xırdalamaq istəyib, elə bu məqsədlə də köşkə yaxınlaşıb. Köşkə sahibi isə bunun müqabilində ona bir şey satmaqda israrlı olub. Nəticədə ac kişi 2 ədəd lotereya alıb. 

Cümə axşamı lotereyanın uduşuna görə məsul olan şəxslər bəyan ediblər ki, Riçard Noll və onun xanımı bu həftə 10 milyon dollar udub. Onlar dövlət vergisin ödədikdən sonra 6,5 milyon dollar alıblar. 

Qalib bileti satan köşkə də pul düşüb. Lotereya şirkəti onlara da 50 min dollar mükafat ödəyib. 

Milyonlara sahib olan cənab Noll deyib ki, o, özünə şəxsi ev almaq fikrindədir. Bəzi yerlərə sərmayə qoymaq haqqında da düşünür. Ən əsası isə qız nəvəsini "Disney dünyası”na  gəzintiyə aparacaq. (axar.az)