Türkiyədə 10 gündür davam edən genişmiqyaslı meşə yanğınları ölkə iqtisadiyyatına, turizmə, ekologiyaya ciddi ziyan vurur. Aidiyyəti dövlət qurumlarını səfərbər edən Ankara əlində olan bütün maddi texniki imkanlardan da yararlanır.
Xeberle.com xəbər verir ki, Türkiyə ordusunun arsenalındakı yerli istehsal olan Pilotsuz Uçuş Aparatları (PUA) yanğınlarla mübarizədə aktiv iştirak edirlər. Yerli media "Bayraktar TB2" PUA-larının təbii fəlakətlə bağlı 1835 saat uçuş həyata keçirdiyini yazıb.
"Bayraktar TB2"-lər yanğınsöndürmə işlərində aktiv iştirak edirlər. Milli istehsalımız olan bu PUA-lar 103 yanğın nöqtəsini anında aşkar ediblər. Türkiyə meşə yanğınları ilə bağlı ciddi bir sınaq qarşısında qalıb. Əlverişsiz hava şəraiti nəticəsində yanğınsöndürmə işlərinin çox çətin bir prosesə çevrilməsi alovlarla mübarizə aparan aidiyyəti qurumların işçilərini və könüllüləri qorxutmur. Hər kəs səfərbər olub, texniki imkanlardan da yararlanırıq. Türkiyə yanğınsöndürmə işlərinə PUA-ları müvəffəqiyyətlə inteqrasiya etdi. Bu istiqamətdə "Bayraktar TB2"-lərin 1835 saat uçuş həyata keçirib və bunun sayəsində operativ şəkildə 103 yanğın nöqtəsi aşkarlanıb",-saytlar yazıb.
Xəbərdən istifadə edərkən istinad etmək vacibdir.
