"Ermənistan Silahlı Qüvvələrində genişmiqyaslı islahatlar prosesi başlayıb".
Xeberle.com xəbər verir ki, bunu Ermənistan baş naziri Nikol Paşinyan hökumətin iclasında deyib. O, ordunu ölkənin xarici təhlükəsizliyinin təmin olunmasında əsas faktor adlandırıb. Paşinyan aktiv xarici siyasəti də təhlükəsizliyin əsas şərti hesab edib.
"Ermənistan bütün ölkələr və beynəlxalq təşkilatlarla işləyərək fəal xarici siyasət yürütməlidir" - deyən baş nazir Ermənistan-Rusiya münasibətlərinə də toxunub. O bu iki dövlət arasında olan strateji müttəfiqliyi və ölkənin Kollektiv Təhlükəsizlik Müqaviləsi Təşkilatına üzvlüyünü İrəvanın təhlükəsizliyinin mühüm amili sayıb.
Xəbərdən istifadə edərkən istinad etmək vacibdir.
