Papa Francis, sələfi XVI Benediktin nümunəsi ilə Apostol taxtından imtina edə bilər. Xeberle.com xəbər verir ki, bu barədə 23 Avqust bazar ertəsi günü "Libero" qəzeti məlumat yayıb.
Nəşrin yazdığına görə, mümkün gedişin səbəbi papanın sağlamlıq durumudur. Dekabr ayında Papanın 85 yaşı tamam olacaq, iyul ayında onun üzərində bağırsaq əməliyyatı keçirilib.
RİA Novosti xəbər verir ki, Vatikanda getdikcə yeni konklavın mümkünlüyü barədə daha çox danışılır.
İyulun əvvəlində Papa Fransisk bağırsaq xəstəliyi ilə bağlı əməliyyatdan sonra Agostino Gemelli xəstəxanasından evə buraxılıb. Vatikan Mətbuat xidmətinin rəhbəri Matteo Bruni əməliyyatın yaxşı keçdiyini bildirib. Papanın əvvəllər Papa II İohan Pavelin yatdığı palataya yerləşdirildiyi qeyd edilir.
Əməliyyatı digər mütəxəssislərin köməyi ilə professor Sergio Alfieri edib . Papanın müalicə həkimi Roberto Bernabei də əməliyyatda iştirak edib. Papanın ondan əvvəlki terapevti xəstəxanada xərçəng xəstəliyindən müalicə alarkən COVID-19-dan ölmüşdü.
Xəbərdən istifadə edərkən istinad etmək vacibdir.
