SpaceX şirkəti ilk dəfə olaraq xüsusi təlim keçmiş kosmonavtın iştirakı olmadan 4 nəfər şəxsi Yer kürəsinin orbitinə göndərib.
Uçuş prosesinə uzaqdan idarə vasitəsilə nəzarət ediləcək.
"Inspiration 4” adını əldə etmiş bu uçuş missiyasının heyətinə 4 nəfər daxil olub. Onlardan biri milyarder Jared İsaacmandır. O, "Shift4 Payments” şirkətinin yaradıcısıdır. Jared, həmçinin, smissiyanın heyətinə daxil olan digər 3 şəxsin uçuş ödənişlərini reallaşdırıb.
Heyətin digər üzvlərinə həkim assistantı Hayley Arceneauks, ABŞ-ın Hərbi Hava Qüvvələrinin veteranı Kris Sembroski və geoloq Sian Proktor daxildir.
Maraqlısı ondadır ki, kosmik gəminin sərnişin kapsulu təkrar istifadə edilir. Belə ki, 1 il bundan öncə 4 nəfər astronavt həmin kapsul vasitəsilə Beynəlxalq Kosmik Stansiyaya (BKS) yola düşüb.
Turistləri 3 gün ərzində 575 km yüksəklikdə qalacaqlar. Bu, bir neçə müddət bundan öncə Riçard Bransonla Jeff Bezosun əldə etdikləri yüksəklik göstəricilərindən qat-qat çoxdur.
Riçard Branson 90 km yüksəkliyə, Jeff Bezos isə 107 km yüksəkliyə qalxa bilmişdi.
Xəbərdən istifadə edərkən istinad etmək vacibdir.
