Dünən Rusiyada yoxa çıxan helikopterin qəzaya uğradığı bəlli olub. Xeberle.com xəbər verir ki, bu barədə "RİA Novosti" məlumat yayıb.
"Kamçatkada Rusiya Federasiyası Federal Təhlükəsizlik Xidmətinin Şərqi Arktika Bölgəsi sərhəd şöbəsinin "Ka-27" helikopteri qəzaya uğrayıb. Helikopterdə 5 ekipaj üzvü olub. İtkin düşmüş helikopter Moskva vaxtı ilə saat 22.10-da Elizovski rayonunun Nikolaevka qəsəbəsindən 10 kilometr şimal-qərbdə tapılıb. Kəşfiyyat işlərinə 13 nəfər və 3 texnika cəlb edilmişdi"-,məlumatda deyilir.
Qeyd edək ki, dünən axşam saatlarında Rusiyanın Kamçatka yarımadasında təlim uçuşu həyata keçirən "Ka-27” helikopteri əlaqə kəsilib.
1970-ci illərdə SSRİ-də istehsal olunan "Ka-27” vertolyotunun təyinatı sualtı gəmilərə qarşı nəzərdə tutulub.
Xəbərdən istifadə edərkən istinad etmək vacibdir.
