Qırğızıstan müsəlmanları əhalini Fransa istehsalı ətriyyatlardan imtina etməyə çağırıb. 
Qırğızıstan müsəlmanları Hz. Məhəmməd peyğəmbəri (s.ə.s) təhqir edən "Charlie Hebdo" jurnalının karikaturalarına qarşı etiraz əlaməti olaraq belə bir çağırış edib.
Hazırda Qırğızıstanın Oş şəhərində peyğəmbərə sevgi həftəsi keçirilir. Bu müddət ərzində bütün məscidlərdə peyğəmbərin həyatı haqqında danışılacaq.
Şəhərdə həmçinin, "Mən öz peyğəmbərini sevirəm" şüarı altında aksiyalar başlayıb. Aksiya iştirakçıları yerli əhalinin fransız mallarından imtina etməsi üçün fəal təşviqat kampaniyası aparırlar. Şəhərin mərkəzi bazarında da fransız məhsullarından imtina ilə bağlı aksiya keçirilib.
Qeyd edək ki, bu mərkəzi bazar Qırğızıstanın cənubunda ən aktiv ticarət obyektidir.  (anspress.com)