Qatı açılmayan ağır cinayətlər həmişə cəmiyyətdə böyük narahatlıq və rezonans doğurur. Əgər bu cinayət tanınmış ictimai-siyasi fiqura qarşı çevrilibsə, cəmiyyətdəki rezonans daha güclü olur. Amma təəssüf ki, ictimaiyytədə doğurduğu əks-səda belə həmin cinayətlərin icraçı və sifarişçilərinin hüquq-mügafizə orqanlarından yayınmasına mane olmur.  Azərbaycan da daxil olmaqla, tanınmış şəxslərə qarşı törədilən qatı açılmamış cinayətləri təqdim edirik.  

Elmar Hüseynov (Azərbaycan)

Tanınmış jurnalist, rusdilli "Monitor” jurnalının baş redaktoru Elmar Hüseynov 2005-ci il martın 2-də Bakıda yaşadığı binanın mənzilinin girişində naməlum şəxs(lər)  tərəfindən odlu silahdan açılan atəşlə qətlə yetirilib. Azərbaycan hüquq-mühafizə orqanları Gürcüstan vətəndaşları Teymuraz Əliyev və Tahir Xubanovu 37 yaşlı jurnalistin qətlində əsas şübhəli şəxslər olduğunu elan etsələr də, araşdırmalar nəticə verməyib. Jurnalsitin qətlindən keçən 10 il ərzində isitnitaq nə juralisti qətlə yetirəni, nə də qətli sifariş verən şəxsi istintaqa cəlb edə bilib.

Rafiq Tağı (Azərbaycan)

Tanınmış yazıçı və jurnalist, eyni zamanda həkim Rafiq Tağı 2011-ci il noyabrın 19-da Bakının küçələrindən birində naməlum şəxslər tərəfindən bıçaqlanıb. Həkimlərin səyinə baxmayaraq, noyabrın 23-də Bakıdakı 1 saylı xəstəxanada aldığı xəsarətlərdən keçinib. 61 yaşlı yazıçı-jurnalistin qatilləri bu günə qədər müəyyən olunmayıblar.

Edqar Allen Po (ABŞ)

Amerikalı yazıçı Edqar Allen Po 1849-cu il oktyabrın 3-də Baltimor şəhərindəki barlardan birinin qarşısında aşkar olunub. Qarət olunan yazıçı huşsuz vəziyyətdə xəstəxanaya çatdırılsa da, onun həyatını xilas etmək mümkün olmayıb. Ehtimal olunur ki, qarətçilər Ponun bədəninə zəhərli maddələr yeridərək onun ölümünə səbəb olublar.

Ulof Palme (İsveç)

1986-cı il fevralın 28-də İsveçin paytaxtı Stokholm şəhərinin mərkəzində ölkənin baş naziri Ulof Palme odlu silahdan açılan atəş nəticəsində öldürülüb. Naməlum şəxs ona arxadan yaxınlaşaraq tapançadan 2 dəfə atəş açıb. Bir neçə nəfər şübhəli şəxs qismində istintaqa cəlb edilsə də, qatilin şəxsiyyətnii müəyyən etmək mümkün olmayıb. 59 yaşlı baş nazir Ulof Palmenin qətli İsveç tarixinin ən müəmmalı kriminal hadisəsi kimi tanınır.

Tupak Şakur (ABŞ)

90-cı illərin ən məşhur reperi olan Tupak Şakur 1996-cı il sentyabrın 7-də Las-Veqas şəhərində güllələnib. Naməlum şəxslər svetaforun qırmızı işığında gözləyən 25 yaşlı reperin maşınına 13 dəfə atəş açıblar. Tupak Şakur xəstəxanaya çatdırılsa da, 6 günlük komadan sonra sentyabrın 13-də dünyasını dəyişir.

Elizabet Şort (ABŞ)

1947-ci il yanvarın 15-də Los-Ancelesin Notron-Avenyu küçəsində 22 yaşlı Elizabet Şortun cəsədi tapılıb. Cəsədi hissələrə bölünən aktrisanın qətli ABŞ tarixində ən çox davam edən cinayət işinin başlanmasına səbəb olur. Lakin bir neçə min şahidin dindilimsə ilə nəticələnən araşdrımalar qatilin kimliyin müəyyən edə bilməyib.

Vladislav Listyev (Rusiya)

Rusiyanın "ORT” 1-ci kanalının baş direktoru, teleaparcı Vladislav Listyev 1995-ci il martın 1-də Moskvadakı evinin qarşısında muzdlu qatil tərəfindən qətlə yetirilıb. Qətlin sifarişçi və icraçıları ilə bağlı çoxsaylı versiyalar mövcud olsa da, Rusiya prokurorluğunun 20 ildir apardığı cinayət işi heç bir nəticə verməyib.

Pyer Paolo Pazolini (İtaliya)

İtaliyanın ən məşhur kommunist şairlərindən və rejissorlarından biri olan Pazolini 1975-ci il noyabrın 2-də Romanın Ostiya səmtində xüsusi amansızlıqla qətlə yetirilib. Üzərindən bir neçə dəfə maşın keşən rejissorun baş və bədən nahiyələrində çoxsaylı işgəncə izləri aşkar olunur. 52 yaşlı rejissorun ölümü ilə bağlı 17 yaşlı Cüzeppe Pelosi həbs olunsa da, sonradan ona bəraət verilir.

Pyotr Yaroşeviç (Polşa)

1970-1980-ci illərdə kommunist Polşasının baş naziri olan Pyotr Yaroşeviçin cəsədi 1992-ci il sentyabrın 1-də paytaxt Varşava şəhəri yaxınlığındakı evində aşkar olunub. Siyasətçinin həyat yoldaşı Alisiya Solsa da onunla birlikdə öldürülüb. Hadisə Polşanın müstəqillik illərində qeydə alınan ən müəmmalı hadisəlrtdən biri sayılır.  (modern.az)