Rusiyada Instagram sosial şəbəkəsi bu gündən bloklanıb.
Bu barədə Rusiya KİV-lər məlumat yayıb.
Martın 11-də Meta şirkəti Facebook və Instagram sosial şəbəkələrində Rusiya vətəndaşlarına qarşı zorakılıq çağırışlarını ehtiva edən məlumatların yerləşdirilməsinə icazə vermişdi.
Bundan sonra Rusiya Baş Prokurorluğu "Roskomnadzor”dan bu sosial şəbəkəyə girişi məhdudlaşdırmağı tələb edib.
İnstaqramın aktiv istifadəçilərinin öz foto və video materiallarını digər sosial şəbəkələrə köçürməsi, kontaktlarına və abunəçilərinə məlumat verməsi vaxt aparacağından "Roskomnadzor” Instagram-a girişə məhdudiyyətlərin tətbiqi prosedurunu martın 14-ü saat 00:00-da başa çatdırmaq qərarına gəlib.
Xəbərdən istifadə edərkən istinad etmək vacibdir.
