E.Əzimzadə müsahibəsində atası ilə bağlı xatirələrini bölüşüb.

- Erkin bəy, mərhum Ənvər Çingizoğlu Azərbaycanını sevilən yazıçılarından biri idi. Geniş yaradıcılıq yolu keçib.

- Təəssüf ki, atam bizi vaxtsız tərk etdi. İyulun 10-da ürək çatışmazlığından vəfat etdi. İrəlidə yaradıcılıqla bağlı çox işləri var idi.

- Atanızın bu işıqlı həyatda son gününü necə xatırlayırsınız?

- Təəssüf ki, mən yanında olmamışam. Ölüm xəbərini qardaşımdan öyrəndim. Həqiqətən çox məyus oldum. Çunki atamı uzun müddətdir görmürdüm.

- Ənvər Çingizoğlunun bir çox vacib kitabları hələ də işiq üzü görməyib. Bu kitablarin taleyi necə olacaq?

- Bəli, atamin 70-dən çox kitabi çapdan çıxıb və bir çox kitabi arxivdədir. Gələn ilin əvvəli daha bir kitabı çapdan çixacaq. Yarımçıq qalan işlərini davam etdirməyə çalışırıq.

- Siz atanızın yolunu davam etdirəcəksiniz ? Çünki Ənvər bəyin Azərbaycanın etnoqrafiyasına çox xeyri dəymişdi.

- Təəssüf ki, başqa sahədə çalışıram. Atama gəldikdə isə o həmişə çalışqan,ən çətin vəziyyətlərdə çıxış yolunu tapan insan idi. Hüzur içində yatsin. Azərbaycan üçün çox çalışırdı.

- Sizcə Ənvər Çingizoğlu yetərincə qiymətləndirildi ?

- Atam Əməkdar mədəniyyət işcisi idi. Düşünürəm ki, layiqli qiymətini almadı.

- Bildiyimiz qədər musiqi sahəsində çalışırsınız...

- Musiqi sahəsində prodüserəm. Yaradıcılıqda uğurlar əldə etməyə çalışırıq.