Almaniyada keçirilən hərracda 1955-ci il istehsalı olan Mercedes-Benz 300 SLR avtomobili rekord qiymətə - 135 milyon avroya satılıb.
Xeberle.com xəbər verir ki, bu barədə "Sotheby's" hərrac evi məlumat yayıb.
Hərrac mayın 5-də Ştutqartdakı Mercedes-Benz Muzeyində baş tutub. Nadir avtomobil dünyada indiyə qədər satılan ən bahalı avtomobil olub. Bundan əvvəl dünya hərraclarında satılan ən bahalı avtomobil 1962-ci ilin Ferrari "250 GTO" markalı avtomobili idi. Onun qiyməti 48,4 milyon dollar təşkil edib.
Mercedes-Benz 300 SLR 1955-ci ildə Rudolf Ulenhautun rəhbərliyi altında şirkətin yarış departamenti tərəfindən hazırlanmış iki prototipdən biridir. Avtomobilin maksimal sürəti 290 km/saat təşkil edir.
Xəbərdən istifadə edərkən istinad etmək vacibdir.
