Hamı öz evinin, doğma ocağının olmasını arzu edir. Fərqi yoxdur balaca, dar, dəbdəbəli, çoxmərtəbəli və ya həyət evi. 
Ev almaq üçün insanlar ömür boyu çalışırlar. Amma çox istəsə bəzən çox məhdud şəraitdə belə insan öz evinə sahib ola bilər. Dünyanın ən dar evlərindən birini təqdim edirik. 
Belə dar evlər xüsusilə Yaponiya kimi yaşayış sahəsi çatışmayan ölkələrdə geniş yayılıb. 
Yapon memar Kota Mizuişinin layihəsi ilə həm dar, həm də rahat evlərdən biri tikilib. Bu ev cəmi 55 kvadrat metrdir. 
Çöldən ev çox darısqal və narahat görünür. Amma içəridə vəziyyət fərqlidir. Ev 3 nəfərlik ailə üçün nəzərdə tutulub. Orada hətta uşaq üçün oyun sahəsi də var. 
Böyük pəncərələr və açıq rənglər sayəsində evin geniş olması barədə təəssürat yaranır. Maraqlısı odur ki, evdə otaqlar arası qapılar yoxdur. Amma evdə məkanların ayrılmasında heç bir diskamfort hiss edilmir.  (anspress.com)