Ukraynada 134 günlük müharibə Rusiya ilə ABŞ arasında gərginliyi artırarkən, Rusiya Dövlət Dumasının sədri Vyaçeslav Volodin ABŞ-ı sərt sözlərlə hədəfə alıb.
Xeberle.com xəbər verir ki, Volodin ABŞ-ın Rusiyanın aktivlərini donduracağı və ya müsadirə edəcəyi təqdirdə "Alyaskanı geri alacaqları” ilə hədələyib.
Volodin Dumanın yay tətili öncəsi son sessiyasındakı çıxışında "Amerikalılar bunu həmişə yadda saxlamalıdırlar: Alyaskanın qiyməti var. Xaricdəki resurslarımızı idarə etməyə çalışanda unutmasınlar ki, bizim də geri götürməli işlərimiz var”, - deyib.
Volodinin bu çıxışı Dumada böyük alqışlarla qarşılanıb.
Qeyd edək ki, 1853-1856-cı illərdə İngiltərə və Fransanın dəstəklədiyi Osmanlı İmperiyası ilə Rusiya arasındakı müharibədə ağır məğlubiyyətə uğrayan Rusiya 1867-ci ildə Alyaskanı 7,2 milyon dollara ABŞ-a satdı. Alyaska bu gün ABŞ-ın ən böyük neft yataqlarına ev sahibliyi edir.
Xəbərdən istifadə edərkən istinad etmək vacibdir.
