Amerika Birləşmiş Ştatlarının prezidenti Co Baydenin Ukraynaya səfəri çox xoş olardı.
Xeberle.com xəbər verir ki, bunu Ukrayna Prezidenti Volodimir Zelenski Amerikanın CNN kanalına müsahibəsində deyib.
Belə ki, Baydenin Ukraynaya səfərinin Ukraynaya dəstək səylərini artıracağı ilə bağlı suala Zelenski belə cavab verib:
"Biz prezident Baydenin Ukraynada olmasını çox istərdik. Və onun tərəfdar olduğunu eşidirəm. Amma onun üçün bəzi etibarlı məqamlar var. Mən bunu başa düşürəm, təhlükəsizlik prosesləri. İnanıram ki, bu, ilk növbədə ukraynalılara kömək edəcək. Baydenin Ukraynaya səfəri faydalı olacaq. ABŞ prezidenti Rusiyanın təcavüzünün nəticələrini "öz gözləri ilə” görə biləcək".
O, əlavə edib ki, ukraynalılar ABŞ-ı dəstəkləyir və onların ABŞ-a etimadının reytinqi "çox yüksəkdir”.
Qeyd edək ki, aprelin 14-də jurnalistlərlə söhbətində Amerika lideri Co Bayden Ukraynaya səfər etməyə hazır olduğunu açıqlayıb.
Bu, Zelenski ilə telefon danışığından sonra Ukrayna lideri ABŞ prezidentini Ukraynaya gəlməyə və bununla da eskalasiya səviyyəsini azaltmağa dəvət etdikdən sonra baş verib.
Xəbərdən istifadə edərkən istinad etmək vacibdir.
